黃金週の本店遊 （第二天在23樓及24樓）

a0550815

感謝詳細分享~

franky_yms

睇完好似自己都有份排咁, 係時候PLAN下自己又排

ronald_meng

第二天 (5/5/2016)

今天比第一日晏左少少，要10:35咁上下先入隊，嘩～雖然只係比第一日晏左五分鐘，但我竟然已經要排到去天丼門口了，而且條隊重已經係要兩行並排呢，即係話今日會係超多人。入左隊企定定之後，條隊唔知點解慢慢向前行喎，雖然奇怪但我就無理啦，行下行下去到Charles & Keith 時我就知道原來係因為太多人所以要再開多條隊，即係變成三行並排，咁企定定之後都係照舊等工作證既人同著西裝既security行埋黎睇證件，今次我主動少少，security一開始用日文問我，我就反問佢「English?」（心諗：哈，我知規矩啦，識英文就得呀嗎，炸炸臨派兩張飛黎啦），點知佢竟然反問我「English only?」（心諗：仆X啦，唔通今日淨係識英文既話就唔上得？但係既話都無計），咁我就答「yes!」，之後佢就回頭叫工作證既人比兩個飛我。嘩～有驚無險呀，幾驚佢突然玩野呀，咁就順利過左第一關。

之後都係呆企，今日個太陽又鬼死咁猛喎，曬到我隻野咁，到左11:35咁上下，我終於轉入Tokyu plaza門口個彎，之後繼續慢慢向前移動。去到camper門口，我就問女友「前日佢（工作證既人）係咪係呢度叫我地㩒電話？」（我記得係咁上下位置，所以問下再confirm下），女友答「係呀」，我再望下前面，無工作證既人啦喎，原來今日唔駛㩒yes/no，咁即係就少左一關啦。

過多大約兩個字，終於到我抽籤了，今日主持抽籤既係二女同Tara，我先將手上既紙條交比二女，之後就行埋Tara面前準備按一下佢手上ipad既抽籤app，一按，登登登～～係「19/340」，我望一望隔離既工作證既人，再望一望二女，之後再望返部ipad，係呀，真係19號喎，之後二女就叫我企過佢哥邊，再叫工作證既人幫我同女友戴上寫有「2人 19」既手帶，之後有個識講普通話既工作證人員就同我地講叫我地行返去隊尾，係隊尾就有工作證既人，你比個手帶佢睇，佢就會安排你按手帶號碼排好，重話如果有咩問題都可以返黎問佢添（我記得佢好似係戴住金爪下金同金爪點金的），咁我同女友就好開心咁按佢既指示行返去隊尾排好啦，女友重話「嘩，我覺得自己依家行起路上黎好似有風咁呀」，我問佢點解，佢話因為抽到可以上去行步路都大步dd頭髮飄下飄下好似有風咁喎。

ronald_meng

之後就係隊尾慢慢向前行，間唔中有d抽到可以上本店既人就會行下埋黎入隊，唔得唔講我前面18號籤真心堅，竟然係4條(o靚)仔，係呀，4條(o靚)仔1支籤囉，佢地一行埋黎哥陣我心諗"乜料呀你地，無啦啦行埋黎，等frd就去第二度等啦，呢度係排Goro's嫁"，點知再望真d，唔係喎，有手帶既，咁先發現佢地都係排Goro's的，重要4個1支籤中埋18號，我目測覺得佢地係因為JSB三代目所以鍾意Goro's的，因為佢地真係似JSB（我無戴有色眼鏡嫁），大約到左12:10，我地終於就坐左係Camper隔離個地盤前面（個地盤好似之前係銀行），咁我就同女友講可以行開嫁啦，咁佢就去左Lawson買少少野食，佢返黎我又去下廁所咁，之後又坐下同佢傾下一陣要點，要買d咩咁，好快就去到一點。

到左一點，條隊開始郁了，其實我睇唔到一開始係幾多人上去，因為我掛住同女友吹水，但肯定既係我之前係6個人，我哥round就重誇張，係7個人一組，就係咁，我大約13:55上樓，無錯，我就係同埋JSB四子一齊上樓，佢地4個加我兩個再加一個漁夫帽男，上到去，Tara已經企定定係門口歡迎我地，咁我地就一個跟一個咁伸出我地既右手比佢幫我地剪左條手帶，剪完手帶一轉去左邊，Kan San就企左係Cashier，二女就企左係隔離，咁我首先梗係打聲招呼先啦，咁因為JSB四子行先，所以佢地都係我前面，咁我打完招呼就唯有同女友睇下毛櫃先囉。

第一眼一定係睇XL毛先（唔知點解係好慣性的），上金左右、上銀左右，哦，無了，就係呢四條，再向上望，大金心，中素毛左右，哦，就係得咁多，睇睇右下角，四條鏈都齊哂，望埋左上，中箭頭、小金麻、點金匙、TQ匙、大中八本，成個毛櫃可以買既就係咁多。好，再望下下面既銀包櫃先（因為毛兄提示銀包櫃可能有特別既皮手帶，叫我記得唔好睇漏），果然，真係有喎，有三條同款唔同色既皮手帶，我唔識佢叫乜，就係長方形之後中間畫左個菱形，之後左右各一粒銀菊，有黑、原色同埋唔知赤茶定焦茶。轉個身望下掛係度既袋先，有兩個硬皮斜孭，唔同款的，大既係焦茶，小少少既係黑，啊～後面（即係平時掛Boxing袋哥度）重掛左一個黑色hunting（不過唔知係咩size）。係呢個時候，再望返JSB四子搞成點，唔望由自可，嘩，我睇到佢地第一個隻手多左隻平打厄呀！再望埋第二個，嘩嘩嘩，今次唔會有錯啦，因為第二個自己拿住隻厄戴緊上手呀！我之前同女友係樓下傾過，有厄既話就一人一隻厄，無既就一人一條XL毛，估唔到今次真係開口中，比我地遇到隻平打厄～～雖然我地都好興奮，但我地都要扮鎮定，因為我地都要等JSB四子搞掂哂先，但我地個心都好驚，好驚到我地既時候Kan San會話Sold out，所以我地都希望JSB四子唔好一人一隻厄，留返兩隻比我地，好彩，JSB第三個係要左上金XL毛，第四個我直頭唔知佢要乜，因為我對眼已經望住左收銀櫃入面既平打厄（係望到流哂口水哥隻）。

JSB四子終於比哂錢走人，我同女友即刻行埋收銀櫃前，我就指住隻厄用英文同Kan San講「Can she try this?」（再指一指女友），Kan San話「Ok」，之後就用手拿一拿我女友既手腕，再係佢個櫃拿隻厄出黎幫女友戴上，咁當女友搞掂之後，我就再問「May I try this also?」，Kan San都係好爽快地答「Ok」，又係用手拿一拿我手腕再拿隻厄比我，係佢拿緊既時候，我就知道我地今次得左，之後二女就用英文同我地講「因為我女友隻手太瘦，所以Kan San會幫佢校緊少少，但我地自己唔好亂校，唔係既話會好容易斷」。就係咁女友就伸手比Kan San幫佢教好隻厄，之後我同女友就行埋一邊繼續睇其他。（因為重有個漁夫帽男未睇）

原來漁夫帽男上黎只係搵Kan San吹水，咁佢吹左大約五分鐘，期間我就同女友研究問唔問可唔可以買XL毛同埋同二女吹兩咀咁。漁夫帽男吹完水走人後，我就問Kan San可唔可以拿條上銀XL毛，答案係「Sorry~」，之後我就再問可唔可以拿平打介，答案都係「Sorry~」，咁我見咁既情況就唯有求個銀包啦，我就問可唔可以拿個長冚短財，今次終於係「OK」，二女問我要咩顏色，我話要「dark Brown」，咁二女就叫Tara去拿比我，Tara拿左出黎之後，我就問Kan San我可唔可以換扣，Kan San話「Ok」，咁我就揀埋個扣，咁就埋單走人了。

今次最開心既係買到平打厄，重要一買就買到兩隻，但唔知係因為黃金週既關係定係依家本店手緊左，揀左一件銀器之後就唔可以再買，只可以揀皮件。第二日就寫到呢度，多謝大家比咁多時間黎睇。



（補返張收穫相）

ryancheung

恭喜曬！好好運呀！

ronald_meng

唔知點解我post唔到

Chinois

恭喜, 恭喜...

IamKelvin

“識講普通話既工作證人員”
第一次聽有呢樣野

Rogerger

多謝詳細分享, 好似自己都置身其中咁

MoreMoreCha

同自己女人同一日一對平打扼，真心戥師兄開心

Jeansky

一次過兩隻平打鴨!!!
真係大風收　
近期港隊較好收獲一次　

WING_x

Ching好好運,恭喜恭喜!

hkabd

相同經歷呀，當年同老婆一人一隻厄，問咗你肯定要之後，老婆嗰隻比RD屈返fit size, 嗰刻心情真係冇嘢形容到，記憶尤新至今難忘！

nbghwallace

平打厄,仲要打孖
好好運

stephen_r

情侶平打，正

potatobay18

IamKelvin 發表於 2016-5-8 18:32
“識講普通話既工作證人員”
第一次聽有呢樣野

回復錯了 sorry

Pink_boy123

恭喜，入手情侶平打，同多謝詳細報導。

KazafWong

情侶平打扼~~真係令人羨慕同狠丫

Rogerger

搭車睇到差d過龍， 恭喜買到平打

Lycheong

恭喜哂師兄，咁辛苦排隊係值得既