4月東京之旅初體驗
本帖最後由 silzai 於 2020-2-1 12:20 編輯原本無諗過今次旅程會排Goro's,始終一排就無咗一日,唔夠日子去其他地方。
但比朋友毒咗一陣就決定試下,當體驗下都好。
落機係朝早6:00,係機場食個吉野家早餐,先再慢條斯理搭地鐵出去。
今次旅行住間hostel係神樂坂,要下午3:00先可以check in,所以決定直接去原宿,搵個coin locker放低行李,搞掂晒都未夠9:00。周圍d舖又未開,唯有行下明治神宮,搵間cafe坐低飲杯野,感受下退休生活。
https://holland.pk/t6yn9osd
到左10:30,朋友話應該有隊可以排。去到見到排到去american outfitters, 面懵懵問㗎仔係咪隊尾佢話係。排到11:10有人查證件,好兇嘅staff問識唔識日文,雖然我嘅日文只係三腳貓功夫,但做過功課嘅我知道一定要講大丈夫!咁就過左第一關。
一路周圍望下排隊嘅大部分都周身goro's,乜都冇嘅我當然有啲驚。去到抽ipad環節,排我前面嘅㗎仔抽到7號,開心到跳起。然後到我,一㩒落去:114!ipad哥哥都笑左出聲講句sorry,咁就玩完。
週末聽講異常多人,而且有機會會踢人走,所以決定放棄。
不過人就係爛賭,抽唔到嘅我決定星期一再試。
過程都係一樣,今次一抽:73!
之前睇過教學,講要大約4-50內先會買到野。正想走人之際,留意到今次staff冇表情冇say sorry。心諗,唔通其實可以照排?就開口問佢大丈夫ですか?二女應該聽得出我係新手,開聲問我係咪第一次我話係,佢話you may have to wait for a long time, is that ok? 我話no problem! 咁就攞到手帶。
返去隊尾再排,呢個位我唔係好知點做好,又冇指示,唯有傻更更排隊尾。有個㗎仔見到我,好好人問我幾多號number,叫我排前d, 我先知原來係要問啲人號碼插入去,然後通知3點後再嚟過。
見有幾個鐘,就去左上野。今個旅程仲有個目標係想買件unwash牛仔褸自己操。weekend去左睇幾個日牌都唔岩著,今日去埋睇美牌,竟然比我見到件LVC type 1 fit身,仲要最後1件,盛惠48000羊... 時間關係要仆返去排隊,唔買住,順便比時間自己諗清楚。
返到去再排條隊已經短左好多,前面應該20-30人左右。坐下去下廁所,唔經唔覺等到5:30二女出黎,諗住到我呢組可以入,點知佢講左1句日文(好快,聽唔切),四圍d人就走晒。我心諗應該係話今日賣晒明天請早,心情即刻灰到極點。準備走人之際,見到後幾位一位男士,朝早我見過佢揸綠色護照,應該係台灣人,就大膽用國語問佢聽日仲黎唔黎?佢O晒嘴話唔係呀,係叫我地1個鐘頭後再排:L好在有搵佢傾計,否則我排到最後關頭自己棄權...
同呢位新朋友(以下簡稱C君)簡直係一見如故,一齊去左行街,原來大家都係第1次排,年紀差1歲,中意d野都好相似,真係好巧合,仲交換埋電話。
6:30返到去,第一組6個人入去,我排第3,C君排第6。臨入去二女提我電話要擺袋,怕我唔識規矩周圍影相。
入到舖係一位後生女staff (後尾先知原來係孫女) 剪手帶,舖頭入面其實好細,一眼睇晒。由於要順序買野,等待前面既時候可以睇定有咩買。今次target係點金(左右無所謂)+丸型coin case。離遠見到上面櫥櫃XL有上金,點金,金繩TQ; 另外有d細條既上金,箭頭之類(估唔到6:30都仲有羽毛買)。下面櫥櫃當然有coin case。
前面2位都係repair冇買野,到我怕怕醜醜咁同mito san可唔可以左邊第2條(左向點金),佢諗左1秒就話sold out,再問我而家有冇feather,我話冇,第1次黎。佢再問我試唔試下櫥櫃另一邊?另一邊我見有右向點金,就膽粗粗問佢右邊第二條得唔得?佢今次就話ok:D 同時要埋丸型coin case。當時真係有d感動,竟然可以係呢個鐘數順利買到自己target。mito san仲話個coin case要即刻用,幫我隊左d找錢碎銀落去,後生女staff就帶我去後面塊鏡度教我調教鹿皮繩長短,咁我當然賣下口乖讚下佢戴得靚咁啦。出到門口二女就影相,同佢吹左陣水就bye bye。落到樓下等埋C君,結果佢買到上金+箭頭,都係佢target,兩個都勁開心!去左一齊食一蘭慶祝:lol
https://holland.pk/c9korveg
雖然過程好漫長,又著唔夠衫好凍,但最後買到就覺得乜都抵返晒。最重要係今個trip唔洗再排!
咁樣最後買到咩嘢物品,可以分享給大家當時的貨源 恭喜哂師兄, 第2日排就可以上到本店, 而且買到心目中的target 點金, 真係戥您開心!!!
只有自排得到的goro's 先有這種喜悅 :):):)
還可以在排隊過程中, 認識到新朋友, 真係一箭雙鵰:P 恭喜呢位師弟成功入手 正啦 鄧你高興 恭喜 台港友好 ! 正啊師兄 強運 恭喜師兄
個coin case真係好靚,有機會排個放屋企供奉下先得:lol Congrats. Love the coin purse. 恭喜哂,好詳細既報告! 恭喜晒!我黎緊星期四都打算去排,唔知各位師兄有冇咩可以教下小弟路呢?感謝! cw90 發表於 2018-4-15 03:28
恭喜師兄
個coin case真係好靚,有機會排個放屋企供奉下先得
粒珠有得同佢講換色架:P 重有大毛比你十分好,恭喜師兄 Welcome!Welcome!多謝詳細本店遊報告!恭喜! 報告詳盡, 恭喜晒. 同AppleGoogle C Hing 同感,買到心頭好又識到新朋友,真好! 恭喜師兄入手到自己心頭好 我應該同你差不多日子排 我都係4月頭 如果我地早啲出post 可能一齊排 (ff同名師兄一齊上本店) 恭喜曬 恭喜恭喜 恭喜買到target , 登你happy ^^ 恭喜曬成功入坑:D:D
頁:
[1]
2