哈利重建計劃 - Harley Davidson V-Rod Muscle
https://www.android-hk.com/wordpress/wp-content/uploads/2017/09/d398a970dc5c1cb6242ee4fcc3f25fc0.png係愛啊!哈利!
一直都鍾意電單車,特別係巡航車。好鍾意佢果種自由自在,無拘無束既感覺。
自己一直渣Honda Shadow 750,上年去紐約出Trip,stay behind既時候分別租左三架哈利玩左幾日。
系美國大公路上面飛馳既感覺真系係難忘。。。
分別渣左。。。
《Breakout 2017》
《Softail Deluxe 2015》
而當中最鍾意既係《V-Rod Muscle》
雖然唔係Classic 哈利款,不過好鍾意佢個尾燈同靚到爆既咪錶!
而且佢個引擎係哈利廠同Posche第一次聯手合作打造,
果種加速力殺死人!隨手扭一扭就150km/hr。。。極速240km/hr。。。馬力122hp,扭力12.8(86kg),1300cc。。。
古語有勻:「X過驢仔X之後係返唔到轉頭架!」返到香港之後,就一直念念不忘。。想整返部哈利。。。
http://img.anyanother.com/data/71352.jpg
不過要我比25萬買一部全新哈利。。。我真係唔捨得。。。仲要極少有二手放。。
竟然系農曆新年既時候,比我系網上搵到個鬼佬放部 V-Rod Muscle!
標價比起一般二手低好多!
咁我就拿拿林send email,留低電話叫佢聯絡我。隔左幾日終於收到What'spp,
2010年車,仲要只系行左2500公里!馬上即日約睇車!
果個人住中環半山,原來係銀行高層,架車基本上無乜渣過。。。。
雖然無渣過。。不過佢都無乜打理過。。。我見到之後。。。覺得好浪費。。。
好好地一架靚車比佢搞成咁。。。外觀好多地方花左。。。
生鏽。。。油缸面都可以刮花左。。。手把上面D電鍍又有氧化。。。
我個感覺就好似見到一個絕色美女比人糟蹋一樣。。。
本來已經打算唔買。。。不過影左好多相。。。拎比車房老友睇,
佢話果D外觀野其實有得整,咁再返多次去試試個引擎,
感覺精神,再考慮左兩日,就決定買佢返黎,
然後自己慢慢比心機重新執靚佢!!
不過相信會係一個幾漫長,要多幾多心血既過程。。。
呢個Post既目的,就係紀錄低我架車一步一步既變化。。。
呢個係起點。。。2018年2月24日。。。
架車睇落去黯淡無光。。。
架車原本應該係咁。。。好亮麗。。。Engine都係立立令。。。
雖然我自己鍾意黑色多過銀色。。。不過都唔應該係咁樣。。
比多D Details大家。。。等大家知道我個二老婆跟我之前有幾慘。。。
1. 頭Fork漏油。。。
2. 尾逼震硬化。。。個頂D電鍍都甩埋。。。下面仲生曬鏽。。
3. AirTank花曬 (油缸位置其實係AirBox)
4. 個咪錶抹落去係厚厚既塵。。。
5. 把手D電鍍起曬氧化。。。
6. 個Cylinder蓋。。。我都唔知講咩好。。。
7. 條胎。。。龜裂左。。。佢真係幾乎7年都係擺架車系度唔渣。。難怪係2500公里。。。
8. 扭油筒D膠都甩甩地。。。個頭鬆既。。。
9. 條死汽喉一噠噠野。。。
10. 將一架320kg既巡航改到Cafe Racer咁既渣法。。。改後左個腳踏。。渣死人。。。
如果唔係自己咁鍾意呢架車,加上佢只係行左2500公里,
同埋內裡機件好精神,再加上價錢吸引。。。我真係唔會買。。。
架車仲大架過我架Shadow750(後面果架)
重建之路#1 (Feb 25, 2018)- Full service + 解決頭Fork漏油問題
先拎返哈利原廠做一次大Check + Full Service,
會換曬所有油,抹油,簡單清潔一下,再check下有無咩問題
另外會拆開頭Fork維修,初步應該係油墊乾裂左,要換,另外換Fork芯
星期二哈利工程部就會Call我,話我知檢查結果。。。希望無乜大問題啦。。。
我冇電單車牌,希望師兄你為港爭光,X得她貼貼服服。 edwardyung 發表於 2018-3-1 15:07
我冇電單車牌,希望師兄你為港爭光,X得她貼貼服服。
XDDD 看我的厲害! 很羡慕Terence 兄。
虽然我对铁马有一份情意结,但始终未能如愿考牌。年青时老妈反对,结婚後老婆反对,到现在一把年纪就轮到自己骨头反对,实感無奈。
Anyway,祝愿师兄个restoration project 顺风顺水,一切美好! ww129 發表於 2018-3-4 16:55
很羡慕Terence 兄。
虽然我对铁马有一份情意结,但始终未能如愿考牌。年青时老妈反对,结婚後老婆反对,到 ...
謝謝ww129師兄。有任何新進展,便跟MClassics各位友好報告
做了好多功課,上了好多Forum刨文。終於敲定左Stage 1既改裝計劃!!
哈利原廠已經幫我做好Annual service同埋基本維修。
我亦都系分別兩個網站買好曬改裝部件,大概等2 - 3 個禮拜就會到香港,
之後比多兩個禮拜安裝,再比多1個禮拜做貼膜;
即係大概四月中旬就可以出關見大家啦!!
呢次既改裝主要有:
1. 原裝尾避震 》 Progressive單筒分離式尾避震器
2. 原裝死氣喉 》 Vance & Hince Competition Series尾段死氣喉 (想預覽一下聲音可按此:https://www.youtube.com/watch?v=nah6ET3553s)
3. 換上Bridgestone BattleCruise H50 重型巡航專用輪胎 (前輪120mm;後輪240mm)
4. 全車貼膜:金屬啞黑色
5. 安裝原裝乘客靠背
6. 安裝原裝尾貨架
好想睇改完個LOOK~~~~師兄等你UPDATE~:lol 師兄,期待睇你靚車翻新!
請問聲,香港代理沒有零件更換?需自行上網訂購?
Thanks!
TMM 發表於 2018-3-23 08:35
師兄,期待睇你靚車翻新!
請問聲,香港代理沒有零件更換?需自行上網訂購?
Thanks!
TMM師兄,分享翻。
香港Harley可以代訂零件,一般黎講都貴好多。
我除非係哈利本身的原裝零件會找他們訂,一般其他品牌的零件我都去Revzilla.com訂。
舉個例子,系哈利買一對Dunlop原裝胎(好普通既胎。。。),佢收我HKD6300一對
我自己系Revzilla買一對Bridgestone既Battlecruise巡航專用胎,HKD2,700....加運費大概$1000.所以係平左,靚左。
佢地既人工費就係每小時$780,按所需時間計算。 Mistyface 發表於 2018-3-21 10:01
好想睇改完個LOOK~~~~師兄等你UPDATE~
星期六去拎車,然後去換胎,裝尾避震。
等下個禮拜條喉到香港再換埋。
事關我下個禮拜四開始去台灣電單車環島兩個星期(玩埋墾丁春浪),
我大概四月中旬翻黎先去貼膜改色。
大概四月20幾號可以出山啦~ STAGE 1 大功告成!
換左一對Bridgestone新胎,換左尾避震,
清潔左全架車,聽朝用電鍍膏去打磨下D電鍍件~~
即刻同佢影翻張相
好靚仔~~~:lol攪到我有D想學電單車~ 全原裝?唔諗住改咩?
其實harley舊左反而有味道,不過fork漏晒油就太過分;P
希望盡快係街見到你 自己無電單車牌,不過廿年前跟過同事加入車會去遊車河,同事改裝呢架Shadow 750,我有參與少部分,在上野幫助買配件回來,當時背住兩支後避震機去機場,X光檢查時螢幕顯示兩支炮彈一樣,結果被海關人員由頭搜到落腳,搜出一堆電鍍配件,最後都放行,航空公司亦因此將我upgrade上商務位。
Chinese-Tee 發表於 2018-4-13 15:28
自己無電單車牌,不過廿年前跟過同事加入車會去遊車河,同事改裝呢架Shadow 750,我有參與少部分,在上野幫 ...
好有趣的經歷!!咁都有得Upgrade~ 下次我又帶!! Mistyface 發表於 2018-3-29 09:38
好靚仔~~~攪到我有D想學電單車~
去吧!!!哈哈