開版宗旨及首回分享
本版的開幕旨在分享所有關於「食」的意見及分享。無論係任何地方料理，街頭小食，甚至動輒數千的fine dining亦都可以隨意分享。
本版亦唔會局限香港的餐廳，其餘國家地方推介亦無任歡迎。譬如銀器版各師兄去開日本邊間餐廳可以隨便開post 推介。
各位師兄如果有難題R爆頭要諗地方食飯/ 食材/食鐠，亦都非常歡迎開post 問下M Classic師兄有冇推介，互助互利。
事不宜遲，小弟第一個post 就係喺上環一間老冰室- 海安咖啡室。
佢地既䓤油撈丁拼叉燒/餐肉係不錯，但我要推介既係佢嘅「香葱碎牛炒蛋厚多士」同埋我喺香港最好食嘅「粒粒西多士」。
「香葱碎牛炒蛋厚多士」純粹係我鍾意食嘅嘢擺埋一齊，最重要係冇人好似佢哋落得咁多葱，額外再加多啲黑胡椒碎，香到不得了。
「粒粒西多士」非常出色，將一般分量嘅西多士設成4份，再好有心機咁慢慢炸到六面都好脆，將平時最好食嘅部分maximise；糖漿亦冇加水稀釋，加杯咖啡/奶茶/鴛鴦，港式下午茶完美組合就係咁簡單。
今年做咗一個少少改動，如果只想試少少，可以點個「惜食版」（姐係一粒instead of 四粒）試試。
而家少飲凍飲，但其實咖啡/奶茶/鴛鴦紅豆冰都唔差，唔算太甜，係鍾意凍飲嘅人不錯嘅選擇。
之前以上食物都要兩點後先有，而家已經變咗星期六全日供應。（平日唔記得係咪下午茶限定）
唯一就係佢哋比較早收，每日做到大約四點，同埋星期日休息。 正爺，我仲未有時間食飯呀 正爺版主 之前都試過你推薦 正野 大力支持！ 海安咖啡室 (上環)
上環干諾道西17號地下
（電車路旁） 塊厚多士好吸引喎正爺 食家！ 我都經常去海安㗎！ 以前星期六放工必定去一敞海安食個撈麵，有次如常下午入座，點了餐，老闆才通知因為冬至會早收，雖然過了鐘落單，但喺都無叫我下次請早，仲叫我慢慢食，未咁快落閘咁話。如是者又有一日我坐低落單，老闆又話冬至早收，原來不經不覺又過了一年。海安有六十年歷史，裡面裝修仍然保持，櫃枱放了一碟糖，每次埋單都叫你食粒糖，好有人情味。呢張相喺六年前影的。 最近喜歡海安的脆豬 早排朋友買二手M9, 叫我幫下眼，我推介同賣家一齊去咗海安，大家都好鐘意食物同環境、氣氛等。 我真係犯賤……… 深夜先入黎呢個post:'(:'(:'( 嘆個brunch先 我跟正爺既指引來左啦！ I had have 粒粒西多士 in there, lovely
頁:
[1]