9月尾排Goro's
本帖最後由 yan6789 於 2017-9-26 11:34 編輯終於有機會排goro's,黎緊幾日都會排,keep住更新.
21/9 Day 1: 10點去到排. 11點開始整理人龍, 11點15分開始派飛仔抽籤,11點45分禁iPad. 中左76(心諗柒碌啦)工作人員示意衰左. 聽日再黎.
22/9 Day 2. 排隊落雨.check passport 知我香港人,(大女?)就問左我會留係度幾耐. 同我講good luck. 有good luck加持下抽中170. 唯有明天繼續.
23/9 Day 3 星期六多人. 整理人數由平時2行要分做4行,出示證件個時大叔問我識唔識日文就知奶野,出發前都知星期六日唔識日文有機會冇得玩. 今日ipad都見唔到. 聽日繼續.
24/9 Day 4 整理人數分三行.同時要求出示證件.到第三次個陣有個哥哥仔埋黎用日文問我識唔識日文.頭兩次睇證應件見我香港人都冇事以為有機會.即時灰左.星期一繼續.
25/9 Day5 相比星期六日少好多人,可借冇運抽111.由於星期二晚返香港,即時去隊尾排後補.到1230左右,大女?同個大叔係隊尾傾左一陣,之後向包括我隊尾10個人左右示意今日冇後補(睇佢手勢估),個個sad到爆離開. 星期二最後一發
26/9 Day 6 今朝早左到坐欄杆.有樹遮陰爽好多.但係今日好多人.大叔同我講唔識日文唔排得. 咁我都試下問佢.我今晚要走.可唔可以抽. 佢都好有禮貌同我講sorry. 咁無計
總結: 普通人想上本店都係運+堅持. 今次抽3次衰3次其實好平常. 大把人抽十幾次先上到一次. 當然有失望. 但總算體驗到為買goro's個種滋味.如果唔想排可以去買取店買.500萬yen一隻鷹都買到.如果排隊守規矩基本上都ok. 呢幾日只見過同我一樣唔識日文嘅人被請走. 衣著見過一個大肥佬衣衫不整著拖鞋都抽得.
今日排隊見到僧侶
今次抽唔到唯有期待下次. 睇黎要學下日文.抽goro's識日本女仔都有用 我23號都去排呀今次挑戰1個禮拜 師兄加油喔 師兄第一次去排隊,新人運會降臨你果度 jin-roh27 發表於 2017-9-21 12:10
我23號都去排呀今次挑戰1個禮拜
師兄識唔識日文?今日有冇得玩? 師兄, e幾日進展如何:):) 今日有冇抽? 今日有冇抽中上到本店??? 我都係9月中
排6但只係抽2趕左4日啦:D:D 大肥佬衣衫不整著拖鞋都抽得 絕對認同!
我見過著足球衣套裝,個樣成個中學生既都有手帶,問你死未!?:@
我都比人趕佐一日,今次抽三上三(有一日女友抽唔中) ☺️ jin-roh27 發表於 2017-9-29 13:01
我都比人趕佐一日,今次抽三上三(有一日女友抽唔中) ☺️
跪拜師兄, 抽3上3爽死啦 青島兄 發表於 2017-9-29 01:08
大肥佬衣衫不整著拖鞋都抽得 絕對認同!
我見過著足球衣套裝,個樣成個中學生既都有手帶,問你死未 ...
所以佢抽簽呢個方法真係公平. 成身名牌定係雜牌都要禁ipad抽.Goro's本店唔會係有錢大哂. yan6789 發表於 2017-9-29 16:04
跪拜師兄, 抽3上3爽死啦
第一日抽5仲見到成對下金 師兄繼續努力 我同樓上另一師兄9月中去 抽6日被人趕左4日炒2日 仲灰過你:'( 本帖最後由 yan6789 於 2017-10-9 09:03 編輯
山風丹妮 發表於 2017-10-7 12:05
師兄繼續努力 我同樓上另一師兄9月中去 抽6日被人趕左4日炒2日 仲灰過你
我星期6,日+星期2被趕. 下次去應該下年6月. 希望少人d...佢趕都係因為太多人同唔識日文 yan6789 發表於 2017-10-9 08:55
我星期6,日+星期2被趕. 下次去應該下年6月. 希望少人d...佢趕都係因為太多人同唔識日文 ...
星期二都被趕? 有D擔心黎緊個TRIP有冇得抽.....(宜家已經由擔心有冇得上既心情變成擔心有冇得抽) LGK 發表於 2017-10-9 13:56
星期二都被趕? 有D擔心黎緊個TRIP有冇得抽.....(宜家已經由擔心有冇得上既心情變成擔心有冇得抽) ...
真喺隨機的
尋日星期日人數逼上300+後面兩位仁兄都喺香港人只識講英文都無比實Q趕...
但系前兩個禮拜週末就真系你基本喺揸護照唔識日文就一定比趕 smartecho 發表於 2017-10-9 21:45
真喺隨機的
尋日星期日人數逼上300+後面兩位仁兄都喺香港人只識講英文都無比實Q趕...
但系前兩個禮拜週末 ...
好奇一問師兄識日文定住係日本呀? him952 發表於 2017-10-10 08:48
好奇一問師兄識日文定住係日本呀?
留學生呀
頁:
[1]