天賜的禮物～生日抽
18/5 到步，去咗HB 搵 Taka San 探班，順便拎隻鷹俾佢刻名。 Goros 諗住抽一日就算，因為同老婆仲帶埋6歲大佬去，心大心細星期五定星期一，最後決定選擇星期五19/5 太座同大佬去淺草遊樂場，我就單拖10點左右到，見到禪爺已經喺度，吹咗幾句就埋位 1100 第一關過咗，第二關由mito san 揸機，結果抽50，二女好似唔想俾，問我邊度黎？係咪第一次上去？頸上條細角同上銀邊度買？答曬所有問題，我補多句今次係生日之旅，之後佢同mito san 傾左幾句，人生第一次手帶，成功！ 1830 左右上店，二女講解流程後排隊睇毛櫃，同Kan San 選擇TQ 金繩湯匙~ok ，再問多條鏈～都ok 。
20/5 正日生日，原本無諗過排，因為聽聞星期六日會趕人，但又無諗去邊，食食下早餐同太座講不如再排，太座話＂你鍾意啦＂～～～～搞掂！ 1000 左右同太座同大佬到達，又同襌爺吹兩句，原本諗住去舊位，不過好曬驚大佬炸型，所以坐去近頭位置。 1100 二女同肥保安到，二女問今日係咪family 一齊上？我話係，成功過第一關無被趕，之後去抽簽，放飛仔入紙箱~
mito 問：You buy something yesterday? 我指住條鏈同湯匙話：Yes thank you mito ：Good , family today ? 我話：Yes 之後行去肥保安度㩒制，呢個重要任務，當然交由大佬操刀，結果～～～2號，我即刻＂嘩＂一聲，望下二女，二女微笑回應：Lucky Boy ，就係咁，生日奇幻抽開始
帶完手帶行返隊尾，5分鐘左右已經見到1號仔出現，我隨即WhatsApp 毛兄，佢講解咗好多要注意既野俾我知，加埋我入Group 仲好多師兄教路
1300 左右上店排隊睇毛櫃，基本款全齊，仲有兩個細牌仔，我立即雷眼射去介子櫃，見到先金右向同爪金左向各一，我再望真啲，無錯係先金，果刻1號仔都無留意過介子櫃，一直望住大毛櫃，我心中既魔鬼同我講：＂1號仔你買大毛櫃啦，先金你睇我唔到既＂結果係～俾佢見到，Kan San 拎支 display 俾佢，亦表示我已經跳咗落山崖，最後買左爪金 display 丶小金牌丶平打介丶金繩藍，落樓後先知原來其中一個細牌仔係罕嘢小銀牌，真係呢⋯⋯，不過毛兄話齋，其實已經不枉此行。
21/5 同大佬去秋葉原
22/5 經太座批准，單拖再去，抽157 ，最後尾水上店，mito san 企櫃，毛櫃已經無乜野，買咗支細金心，mtio san 好有笑容，教導之前個細金牌同金心放邊度先好睇，最後帶埋皮圈，二女幫手整唔到要mito 出手，真係勁痛
22/5 返香港，呢次奇幻旅程真係超開心，3日都可以上到去，雖然大佬有少少炸型，但佢送咗個驚喜生日2號仔俾我，仲可以一家人上本店，人生難望
PS . 呢set 係天賜的禮物，就算他日窮到要賣底衭都唔會賣，Not for sell in my life, 在此亦感謝 Group 團隊幫手，謝謝收看。
你大佬果然厲害:lol 好lucky 呀，希望我都可以抽到單位數 kaizm 發表於 2017-5-23 22:07
你大佬果然厲害
下次帶大家姐 LGK 發表於 2017-5-23 22:22
好lucky 呀，希望我都可以抽到單位數
Good luck ~~~ 睇到都開心，我發覺呢度師兄同女朋友或老婆去抽好似都幾好腳頭 有各軍師教路，好幸福！ 恭喜！抽到第二一定好爽
一個家庭去真係著數D,大家同一日第一二組上
你一個人都入三件，我一個人上去一件銀就要收手:L Jeromesuen 發表於 2017-5-23 22:36
睇到都開心，我發覺呢度師兄同女朋友或老婆去抽好似都幾好腳頭
我覺得運氣最緊要 black_star 發表於 2017-5-23 22:51
恭喜！抽到第二一定好爽
慌到爆炸，明明有D野諗定想問，俾1號仔買到支先金之後，完全唔記得曬 scw0405 發表於 2017-5-23 22:54
一個家庭去真係著數D,大家同一日第一二組上
你一個人都入三件，我一個人上去一件銀就要收手 ...
可能見我得條鏈同匙，太座又乜都無掛 大佬好勁, 神之手! 想問下個幾日係咪都冇毛介? jin-roh27 發表於 2017-5-23 23:12
大佬好勁, 神之手! 想問下個幾日係咪都冇毛介?
唔見有， 恭喜啊師兄 生日快樂呀師兄:lol 如夢似幻既2號，開心到傻啦師兄{:4_134:} 最好既生日禮物啊師兄！ 生日快樂 祝你長抽長有！:):) super lucky既生日禮物!!:funk: 師兄第一買了先金毛定先金戒:funk: