四月份二人行分享
剛剛到步，番到屋企都未執行李就打左個小包膠，同大家分享一下今次既修行結果先！今次結果小弟都係十分滿意的，排左5日，上到本店3日，叫做有交代，仲有意外既收獲。今次都係2個人一支簽，我同我老婆抽一支簽，so far 都未試過一個人抽去排。
第一日，星期四，老婆抽169，菊個公，強顏歡笑左一下之後，調頭就走去龍尾再碰碰運氣，唔知係好彩定唔好彩，週有，有排過既師兄都知道，週有當然係好彩啦！點解唔好彩呢？因為，大家唔好忘記我係帶住個老婆的⋯要困係原宿一日對於一個未接觸過呢個遊戲既女孩子來講都唔容易，就係小休既時間有左少少口角，差d婚變，最後經過一連串又扼又tum, 成功係七點五分上本店。上到去Mito企收銀，我同老婆企隊尾，都冇咩可以買了，我女人買左鷹匙而我就買左大八本，可能女人同女人好傾d，我女人見到個腰果手袋就同Mito傾起上來，我就企埋一邊睇野，到最尾冇買因為Mito話冇我老婆要既色。最後我多口問句想要一對平打介for我地新婚，Mito 就問我地想戴邊隻手指，佢係櫃攞左d size出來俾我地試，（我上次去問足4日都話 sorry sold out, sorry no size) 有個女人好似成件事易左。最後，大八本，點金鷹匙，平打介x2，長財落樓。
第二日，我抽149，週冇。
第三日，我抽120，都係週冇。
第四日，老婆抽1，係，1號！係1號呀！我到衣家都未平伏！上到去打個招呼，長毛企收銀，Mito企長毛隔離，我老婆就行埋去同佢地菊公，佢第一樣野唔係望銀器，而係牆上掛住既大腰果，Mito見狀就同我老婆講，this is the colour you asked for last time, 我老婆話係呀，第一時間幫佢keep起左個袋，跟住到我行埋去菊公，見到爪毛，唔洗轉彎抹角，就同老婆一人要一邊，老婆就問多條細角，我就問多條太角。跟手再換埋長財同散紙包個扣。最後，爪毛一對，太角，細角，大腰果，金繩TQ扣，大菊花扣。
第五日，老婆抽38，本應都唔錯，唔洗等太耐，但點知碰到吳建豪，指指個鼻就行左上去，足足玩左一個鐘！最後攪到四點九先上到去。上到去我老婆又走埋去同Mito吹水，話今次想買個細d既袋，上次買嗰個大左少少，Mito話唔緊要，大既可以俾我用，叫佢揀個細d既，我就冇所謂，因為大腰果我本身都鐘意，一向打算兩份用，揀到佢要既小袋後，我地就埋去睇銀器，老婆要左支點金XL，我要左個金繩TQ鷹匙，再買左兩個小巾著去裝飾我個大腰果。最後，點金XL，金繩TQ鷹匙，一個硬皮袋，兩個小巾著。
帶住個未接觸過哥羅既女孩子去玩呢個遊戲實在唔簡單，相信部分師兄都會有同感，但經過我呢幾日既催眠同講解，老婆大大都開始入坑了⋯⋯仲問我5月份會唔會再去排排⋯⋯
修行報告完畢
強人事你妳！ 正. 1號都抽到.勁有運..
No.1 :o 大豐收 !! 呢幾日你請我食左好多葡萄糖....... 強運，師兄買到好多正嘢 滿載而歸 呢D葡萄汁真係好易酸死人, 強運, 亦都恭喜你地. 行運一條龍:loveliness: 左右爪毛 正啊:funk::funk: 左右也入到手好勁呀 完美示範咩叫強運 左右爪羽.. :'(:'( 好羨慕
btw絕對明白推另一半落坑既感受haha 好羨慕!!! 諗都唔敢諗抽中一號.....恭喜晒~ 水尾平打介，睇到流哂口水！強運！恭喜！ 我只係新手一個，只係靠運氣，仲有好多野要跟大家學啦。有咩好葡萄呢⋯⋯ 一號係我老婆㩒的，我㩒親都冇得上⋯ 所以話有個強運既partner真係好緊要 1號都抽到，樓主快去買多張六合彩，可能都中。 好葡萄呀⋯⋯
頁:
[1]
2