自從攞到平打觸後 ，成個人都覺得同食左瀨尿牛丸一樣 ，醒左又聰明左。仲每個月出發都抽到好前 ，包括
二月抽12
三月抽7
四月抽12
呢幾個月入面四月份真係遇到不得了既銀心羽～
話說當日又係mito賣俾我～
而且當日呢支銀心羽係無標價錢既！
買到個一刻又係呆左！
最後當然開開心心落樓（銀心唔係抽12個日入手，係一個幾後既號碼）
kaizm 發表於 2017-2-6 22:53
自從攞到平打觸後 ，成個人都覺得同食左瀨尿牛丸一樣 ，醒左又聰明左。仲每個月出發都抽到好前 ，包括
二月 ...
你直接問佢定MITO主動比你架?
本帖最後由 kaizm 於 2017-2-10 22:49 編輯
5月至7月初總共出發左3次 ，呢3次都有會友Bathingmike相伴 ，我同佢相識於同年冬休 ，之後就一見如故成為老友～～
5月份其實某程度上都算係普普通通 ，抽6日上3日 ，當中最尾一日係我首次抽到1號.......當按完Ipad出現個一字 ，我真係在表參道大叫左出來~~~
當日上去我就入手了爪羽及留下皮帶加裝~~
寫得極生動，推
6月份一落機就去會合Bathingmike , 過癮既事情就發生啦....
抽簽時我地既陣式通常都係隔幾個人咁排 ，今次個陣式係Mike / 人 ／人／我 ，最後抽Mike抽到2號 ，而我抽到6號，呢下又真係笑左出來 ，仲要一齊第一輪上去。
上完去仲大把時間行街!
而6月我亦順利加裝銀包
踏入七月～聞說日本當地夏祭已經開始，我一個月內出發了兩次，分別月初及月尾～但亦都係黑暗期既開始。
七月初第一轉我一落機就去排，當日我抽到58，其實排goro's 真係體能既考驗，冬天就不停食風，夏天就又曬又焗，當日其實焗到有少少想暈.....
但又有奇趣事情發生～當日上到去又係mito企櫃，見到毛櫃無任何特別野，我就口痕地問有無銀珠，mito輕輕一句you are lucky today ，從櫃桶入面拿出一包銀珠過我～
而我亦順利取回加裝了銀菊的皮帶
難忘的回憶,支持!
七月份的第二轉，九月夏休，十月份小小弟最黑暗既時期，三轉總共抽左17次.....真正有手帶只有2日....L有5日，其餘10日全數炒粉...... 踏入十一月，運氣稍為好少少，抽5日，5日都抽到50內，但由於季節性關係上到去見到既野都普普通通。 十二月份都只係普普通通。 直到今年一月.........
本帖最後由 kaizm 於 2017-2-19 23:19 編輯
時光飛逝，話咁快就去到2017年一月～
我將一月份既本店遊當做兩週年既活動～
呢兩年經歷過兩次夏休同一次冬休～因為人真係超多同埋難抽到好號碼～所以我押後至18號出發，排19-24號。
好啦，第一日到達，其實出發前都聽過冬休出左邊樣罕品，包括十字架，先金，花介，小八。事前自己其實都覺得自己出發期間都唔會再見到呢d罕品。抽籤時好幸運抽到5號～天呀！
自從上年六月抽完個六號之後，事隔半年終於再抽到頭十之內！
落位時發現自己係第四個，原來前面3號無左，即係我可以第一輪上本店。
老實講當日成個人唔知點解好緊張，終於第一輪上到本店，我係第一輪最尾個個，上到去剪完手帶，發現長毛神情嚴肅！
毛櫃上面都係成日見到既野～無特別。
第一個人好快就買左野走人～
第二個問左句野就移開睇其他野
第三個上前又講左句野，長毛叫佢走開....
到我上前，望到平時放手觸既位置竟然放左一對先金！
我即係嘩一聲，長毛又係馬上叫我走開....
呢個時候，店內三個客人都唔知點好，最後第二個無買野走左
第三個上返前買完野就走左
到我再上前既時候，先金只係得返一支左向，我當然開聲問可唔可以要啦～長毛一聲不發，在櫃入面將最後一支先金賣俾我！
我心入面真係笑到gap gap聲！
最後好開心彈下彈下落樓！
先金{:3_59:}
先金重出江湖！
見到都開心！
kaizm兄勁！！！{:4_133:}
{:4_91:}{:4_88:}
禪爺令到我地重燃排本店個顆心{:4_88:}
故事去到呢度當然未完～下星期又要繼續作戰了～
再入先金!!!!
希望你下個目標快d到手^_^
WoW~~太lucky了!!強運阿~
先金再現！
禪爺：好野！
襌爺，港人之光啊！
點襯先？整張上身圖俾各位葡萄下先啦 ：）
先金,應該有一段長時間冇出現過了,利害!