十五十六, 十四緣, 三三不盡
經歷左上次3連敗兼47俾人”個咩”後, 12. 15/16 再接再厲去排兩日。今次要感謝M卡既前輩如 kaizm 既臨場打氣。最要特別鳴謝既係十四, 見到佢真人原來棚牙係金色的, 因佢牙齒當金洗, 第一日15號應承左嚟打氣, 儘管當日有點阻滯, 但依然如約赴會, 就係咁除左好心有好報, 重幫我開左人生中一堵重要既門。
十五
不怕我搭沉船, 十四建議兩人一籌, 同生共屎。….金指一篤….嗔….33, 但….. 二女竟在猶豫 !!!見狀十四即時反應, 鼓其三吋不爛之舌, 又話想腰帶加裝又…..二女: but it would be a long day十四: Of course, we wait二女再打量十四一番, 可能見佢果日要靓唔要命, 天寒地凍外套都無著件, 決定凍瓜佢就係咁比左手帶我地。而我全程只能好似”碌角”咁睇戲。之後落位, dump 水印, 二女點名…….
當日似乎有 VIP, 我哋四點幾上, 組內排2,3, 第一次上本店, 比我想像細但好有懷舊印第安風,對還未有機會上既師兄, 請容我稍稍形容下(請用進入門口時anti-clockwise想像): 入門右側係塊大鏡試戴照鏡用,門口斜對面牆上係毛鏈之類銀器既 display, 下面就係銀包一類皮俱display 櫃, 再左手邊就係個類似 counter 既地方, 平打花牌之類, 坐左個胡鬚男 (神鉗/收錢男), 二女企係隔離, counter 牆上方褂左腰帶同好多相, counter 後面就係我哋成日係街望上去塊窗, 再往左看牆上褂著各式皮袋。
好心有好報, 比十四遇到佢都無既藍珠牌,送比老婆。
至於我一心係要人生中第一條大毛, 當日只得銀繩石同點金, 我揀左前者, 再問鏈不行了, 另外想買鹿袋但無我想要既啡色, 最終無買。須然只係用條皮繩,但二女都好有心機帶我去鏡前試, 教我點調較長度等, 其間佢講左句 {除左瞓覺, 沖涼, 你要成日戴住佢, 下次再嚟要戴埋佢返嚟}, 呢句說話, 我之後返到酒店一直時常在腦海響起。 我同佢講會排多日…”good luck”…就係咁完成左我比本店既第一次。
十六
播返潮洲音樂, 今日入隊位置比昨天後, 身上當然戴住尋日既戰利品, 埋到去抽之前扮 friend “nice to see you again” (直覺(定幻想?) 是認得我的)…. 篤 …. 嗔….. 三….十….三 !!!! 二女 “噢” ….. 我即時叫左出嚟 “same as yesterday”!!! 呢次冇”個咩”, 冇猶豫, 比手帶 :loveliness:
這天就好像昨日重複一次一樣, 又係33, 四點幾, 組內第三, 等待時心中盤算 : “細角? 大毛? 藍珠牌? 鹿袋無啡呢? 其他呢 …..”, 上到去再隨機應變吧。到前一組既人開始陸續落嚟, 就好似新年倒數咁 5, 4, 3, 2, 1 ….. let’s go!!!
無大毛, 幫我諗少樣, 但藍珠牌 vs 細角, 好掙扎 …. 可能大部份師兄會先揀藍珠牌, 但始終覺得一鏈一毛先叫做完美入門, 下次唔知幾時, 最終決定先問細角後問藍珠牌, 答案當然係有前無後 (調轉呢相信會無左條鏈), 平打無size。至如鹿皮袋依然只有細黑, 殺埋佢。
同昨日一樣, 二女係後面鏡前好細心教我點戴點除條鏈, 講解個細黑鹿如染料, 帶長, 將來加裝等。我話”三”係我國”生”好意頭, “and you got two days same down the road”, 又問我邊度嚟, 咩名又同我握手 :loveliness:, 傾到差不多最後一個落樓。唔知下次隔一斷時間先再嚟到既話, 還記得我邊度, 咩名, 同33 two days down the road 嗎?
後記等候時同隔離左右啲人傾下計。有人女友鐘意(但又唔想排), 男友代勞送女友。有人老公鐘意, 係某名店入過, 今次排比老公。喜歡它但又唔想自排, 其實少好多樂趣 ….
抽籤前既忐忑(抽咩號) …抽籤後既不安(會比手帶嗎?) ….等候時既幻想(我想要…)…上到去即場作出既抉擇 (取, 捨, 先, 後) ….山長水遠長時間等候後份滿足感 ….同跟同好間既討論 .....
{除左瞓覺, 沖涼, 你要成日戴住佢, 下次再嚟要戴埋佢返嚟} 又在我的腦中響起。
做人好心有好報, 但十四, 您親眼又見證一人入火坑呢!!!
好正！好開心！抽兩日33難過第一呀！仲有嘜你唔知十四毛又名十四K金咩？失驚無神毒你一身銀！{:4_118:} 年中都唔知有多少人因為毛兄而跌入火坑了{:4_111:}
入到一鍊一毛都唔錯！好快又會心思思想去排！ I'm just wondering why would you be rejected at the first place?? 新手未排過,暫時只可以喺度睇ching分享,計劃過完年去排,預一星期排:) "見到佢真人原來棚牙係金色的"
;P;P呢句正
恭喜入手!:lol 一鏈一毛 簡直完美
恭喜哂師兄 恭喜師兄:loveliness::loveliness:
頁:
[1]