淺談十年 （不日更新）
事先聲明，呢篇野可能會令想睇相既人失望, 因為呢篇野只會有文字。我唔係特別藏私，不過我深明各位網路偵探以set認人，一日我都仲要係香港，東京行來行去，假如我之後講野冒犯到人，出街比人hi auntie 就唔好啦。
另外，如果各位師兄姐係想知道究竟有無捷徑同埋祕訣可以排到特定物品，我只能講一句好廢既野 “各施各法，各自修行”，排隊需要天時地利人和，事實好似職場昇職咁，有人快，有人慢。 這些年見過不少各式各樣排隊既人，今日會淺談一下近十年排隊氣氛變化。
首先來個小小自介，十幾年前起我由學生年代開始每一年都會赴日排隊，少的一，兩次，痴線時朋友一吹雞就飛都試過… 從來不曾中斷，所以可能同一dd只係n年前排過一兩次既老前輩唔同 (都話我會得罪人架啦)，對近年排隊變化好有感觸。
我好鐘意goro’s, 以前日日上網就係search goro’s有關既野， 發夢都會夢到排隊，goro’s 令我識到一班同我一樣痴線既朋友，日日討論，相約排隊，goro’s真係陪住我長大。
我只係想表達一下排左對咁多年睇住goro’s人潮變多，大樓換色，由好想排隊會有個人可以傾計到全部都變晒同志們，同鄉們…
如果有機會的話，或者會分享下咁多年goro’s排隊圈／華人圈裏面的傳聞，八卦，黑歷史（當然唔開名），真真假假就唔深究了，留比大家自行想像啦…
入正題，
今年排隊有一件事特別觸發我神經，亦係我終於的起心肝打呢篇野主要原因。今年係我好幾年無試過星期六，日去排隊（依家人大左，知道要有節制，雖然排隊都係開心（可能呢兩年除外），都會留時間去第二d地方好好享受假期），所以基本上我係無見過secure 哥哥們，check passport時店員不在場比人問識唔識英文感覺係非常odd… 坐係欄杆，回憶下，點解依家會搞到咁大陣象每日同幾百人廝殺咁款。
Ok, 個d N 年前其實11點半12點慢慢從表參道或者竹下通（因為好多JK們）走落去唔講，就算爭櫈仔年代都係只要肯等，一定會有得上去，依家….雖然都好大機會有得上，但上到去…
除左排隊抽籤方法上難熬， 其實最主要係，無野想(可)買
其實由排向前後隔離左右的人就可以睇到本店的變遷之一，我初期排隊時候，好多大叔一身印第安裝扮，有人會騎架電單車來門口跟著坐向店門口，好似個石像咁。 又或者你帶十字架，隔離個帶三點吊，各有各特色組合，不計老鷹，都唔係個個閃令令最近出咩個個都戴個幾樣，或者就算一個中本雕，但配兩三對heart…總之雖然顏色係灰黑，但絕對會閃盲你雙眼，好型好型好型（重要所以講三次）。
感恩係，咁多年，自己心儀物品大部份都擁有了，依家排隊係一種感情，但事實亦都仲有一 d追求…可能係當年因為好多不同原因（有白痴的，有實際（錢）的）錯過唔少野，又或者想要某d好罕有或者長年無再出過的款式。
身邊仲有幾個鐵腳朋友固定成日去排隊，但其實個個都開始好消極。
即係以前好多人會話“前面個個日本仔傾幾分鐘就走了”，其實都唔係只係日本仔會咁（苦笑）
今時今日本店的款式好多都係heavy rotation…. 或者係要迎合大部份係度望住幾時儲齊上下金有無土石款的人… 不過肯定係以前過一星期又會有d小驚喜，可能你身邊朋友或者你自己會遇到一個特別的，心儀的皮帶扣個種感覺真係 long gone…………
我知道有d人會話，“喂我山長水遠來到朝聖，唔係唔特別關照我呢d外國人下話？”
又有人會話“唔搵翻d水腳點得？”
其實本店一向對外國人係唔錯的，至於點解會搞到宜家咁，就唔多講啦。當我見到國內某論壇好多人理直氣壯報告買成點然後直接出售，fb 某名谷 好多人覺得buyer係做福人群，甚至仲比人大哥前大哥後擁護… 我就真係長知識了。
但大家又有無想過，其實日本都好大，都有唔少人係坐通宵巴，新幹線等由其他地方山長水遠個個星期來排隊？有d日本常客一年車費就已經係嚇人數字。
真係因為好需要所謂以戰養戰的我唔識講，我自己都唔係咩富二代，我學生年代第一條羽毛第一set都係做part time儲錢買…
係我眼中，總之真愛就會去排隊，真愛就點都唔會賣，就係咁簡單。
多謝收看。
我係日本，昨日排完，今日星期三，明天都會碰下運氣，一路係新大久保食住部隊鍋睇，好有感覺。好文！ 好文 其實我入左坑無耐 唔及師兄長 老實說 真愛就會排隊 真愛就點都唔會賣 呢句好中 。 。 我林呢個版就係俾真心同好交流既機會！ 「感恩係，咁多年，自己心儀物品大部份都擁有了，依家排隊係一種感情，但事實亦都仲有一 d追求…可能係當年因為好多不同原因（有白痴的，有實際（錢）的）錯過唔少野，又或者想要某d好罕有或者長年無再出過的款式。」
講中我所想但又表達唔到既野❗️ 睇得出師兄好有heart!!我感覺同你差不多，已經無左當初既感覺，但去初都要排下 支持！ 十四毛 發表於 2016-12-14 20:03
我係日本，昨日排完，今日星期三，明天都會碰下運氣，一路係新大久保食住部隊鍋睇，好有感覺。好文！ ...
多謝毛兄，祝好運好籤。
現今d buyer抽到3，40都唔會排，要個位數，我上次前面個女仔按到33，望都無望店員就走，幾型 呢個post好有heart. 道出咗我哋大部份人嘅心聲 我都排隊超過十年喇，雖然不能好似其他師兄咁一年排十次八次，但當中都經歷過JP Yahoo bid, 一個鐘頭上本店, 炒舖入, 錯過罕品無買, 放低過, 爭櫈仔, 七點抽韱, 發夢上本店, 十一點大抽獎等等...............但我一直堅持甚少放售就只有一個原因就係 '鐘情'，所以依家比人改咗個外號叫 '哥羅焚化爐' ;P 剛同隊員交低左，我聽日有7成機會唔出現，想到咁樣成個人鬆哂，寧願去買下玩具俾d女，買下聖誕裝飾野，飲杯咖啡捉下Pokémon鬆一鬆仲爽。
上到都睇運，而且9成半機會都係果類大路貨。而且如果Mito姨媽到既話，仲要睇佢面色做人。
師兄講得好！
我入門資歷極淺，手上只有幾條毛，放又放過。但都巧記得1、2年前係香港街頭撞到帶哥羅的師兄係會點頭微笑，內心有一種戰友的感覺。係東京嘅直頭大家明明語言不通都會用盡方法講哥羅。依家！？係香港帶會俾人啤、俾人串。條友係大我一隻一眼流大鷹都可以拱囂...:L 絕對認同師兄既睇法，對我黎講，以前大家係用時間，汗水，日曬雨淋甘去排隊，未出發已經有好期待既心情去朝聖（又或者可以講去作戰）haha...然後去到見到不同年紀既人一齊為咗自己鐘意既嘢排隊，一齊坐欄杆盡量唔行開，可以認識下前後唔同既朋友，學yuendenden話齋，大家互相尊重係戰友...依傢既我係...或者大家do係期待抽籤，抽唔到，走，聽日再抽，抽唔到，又走，然後可能成個旅程do抽唔到，真係要走...唉...冇咗果種...啊！排得甘辛苦終於...終於買到我喜愛既Goro's 個種感覺，係變咗大抽獎ar大佬，呵，你買到ar...感覺似抽獎抽返黎甘，我好老土既...我覺得唔型lor...可能我長氣咗，不過呢個係我既感覺{:4_133:} 今日係想唔去嘅情況下最後都係去咗，唔係因為姣婆守唔到寡，而係本來約左位未上過本店既會員係果度見，再一齊抽，佢上次抽到幾十但冇手帶，如果就咁孤伶伶掉低人哋唔係咁好，我哋最後係兩人1籤，幸運地中咗33，最後佢可以如願買到佢人生第一條XL，我覺得今日好有意義。
好文！支持！:) 謝謝分享！ 支持 好正呀,想睇師兄分享下咁多年goro’s排隊圈／華人圈裏面的傳聞，八卦，黑歷史:lol:lol:lol:lol 多謝分享...
我有時都會夢見排隊;P 好多人都會夢到排隊上去;P;P 深度好文，支持師兄 :handshake
一句到尾，無願意俾炒價嘅買家，
就唔會有排隊炒賣嘅賣家，
呢個係循環，值得反思！ 好文。小弟連排三日，三日都上唔到。 今天有supreme 新貨，如果搵水腳一定排supreme 。
頁:
[1]
2