新手首排2/11-5/11
各位師兄師姐早晨新手第一次去咩都唔識，同老婆兩個一早凌晨機到羽田就去築地早餐，之後十點半準時到達比賽場地
第一日星期五人唔算多，剛剛過咗American Eagle 十一點就有工作人員幫忙忙將一條長長人龍變做兩條，等多十五分鐘左右開始派飛仔，到我嘅時候對我兩上下打量一翻，又問我地邊到黎，但就無問識唔識英文，之後俾咗兩張二號飛仔我地，又再等。。。
十一點九人龍開始前進，選手們如貫進場，十五分鐘到就同我地，一按iPad 165/185，之後佢地講咗幾句唔識聽嘅日文我地就走啦
(應該意思係，唔好意思，多謝參加)
第一日已經唔係好甘心，唯又行下裏原宿，經過幾間鋪頭買取店都想入手，但係太座話重有三日，真係抽唔到先再諗
第二日星期六，又係十點半到達，今日人龍明顯較多，去到再後一個街口，又準時人龍整理，派飛仔，但今日派飛人又唔同，後生女仔，藍色冷帽再加條上銀扣針係帽上面，幾型， 去到門口有個胖胖男，手拿iPad ，到我一按之下42，佢望下我，又上下打量，我即刻用好誠懇嘅眼神回望返佢，跟住佢話OK攞手帶，我嗰下開心程度真係唔識點形容， 因為星期六比較趕早餐都未食，排到兩點左右，睇過呢到師兄之前話可以行開一陣食早餐，膽粗粗同前係兩個日本人話行開一陣，點知原來佢哋都唔識英文，一於手口並用，XD
半個鐘拿拿聲食完，即返去集合 之前都係每轉八個，但係差唔多到我嘅時候突然轉番五個一轉，不過人龍都去得好快未到三點九就可以上去啦，經過一條短短的樓梯，終於入到去啦，先黎四十五度鞠躬，因爲我係嗰組第三個，要等前面兩位日本人先行選擇。我係等待嘅時侯，即刻望下毛櫃有咩，小金牌，點金XL左右，上銀TQ，大金心羽，大中細箭頭，四款頸錬，之後太座要咗點金XL，我就問可唔可以加條鏈一套，答案係(Next Time ), 咁到我就要咗條上銀TQ，俾完錢二女叫我地照下鏡睇下，簡單用英文問候幾句就走了。第三日，星期日又係特別多人，前面兩位都中，都我抽韱，123/203，可以講ByeBye，可能琴日上到去，今日上唔到，嗰個失落感特別大第四日，七點飛機，如果抽到太後都要走，諗住俾個好印象人地知道我地真係鐘意Goros,唔係玩玩下,一抽之下106/203,都係鞠個躬就走，點之二女認得我地，佢都覺得好可惜，我地同佢講今日要咗啦，下個trip見總計排四上一，第一次算係唔錯，起碼都叫有收獲，上去見識過，係自己俾人reject 完，個腦空白咗，唔識再問下佢可唔可以買手鐲，戒指等，所以只得二件收獲。 另外好多謝太座呢四日咁凍都一齊排，而家大家都中曬毒，今晚又要搶機票安排下次解毒日子XDPS:打呢段文嘅時候重係飛機飛番香港中，如果文法上有咩唔啱唔好打頭 付圖上，小戰利品 4上1都好啦，取得經驗。
而且有TQ及點金呢兩條係必需有
頁:
[1]