Empire Strikes Back Version 0.2 beta
今日厘個係一個Facebook洗版唔係新聞嘅新聞,但係睇咗個video令我有D感想。
小弟個o靚模現在差不多兩歲,話說上個月去旅行,佢每日都會同媽媽瞓。
番到香港,我兩公婆要佢去瞓番自已張床仔,有一晚佢點都唔肯。
重出手打媽媽,第一下,媽媽叫佢唔好,第二下佢繼續出手,佢媽媽捉住佢隻手,第三下佢想伸長隻手想打媽媽塊面{:4_97:}
佢媽媽忍唔住細細力打佢手版一下,話佢知打媽媽係唔得嘅,要佢講sorry同番床仔。
最後,佢好似知錯咁比我抱去床仔,根住我同佢講:「你唔可以打人同媽媽!」
點知,佢瞓响到指住媽媽嘅方向話:「佢都有(打)!」{:4_111:}
我兩公婆聽到真係忍唔到笑,但係真係覺得依家嘅小朋友真係太醒太難教,最後又要捉番佢出黎,好似羅家英哦咗佢成十分鐘道理,佢未聽完就瞓著咗{:4_126:}
故事未完,今晚o靚模又死都要同媽媽瞓。
我問佢,你瞓咗爸爸個位,爸爸瞓邊?瞓客房?
佢竟然好qute咁答:「好啦!{:4_130:}」
我指高兩隻手指同佢講:「爸爸借個位比你同媽媽瞓兩晚,之後你自已瞓番床仔,OK?Promise?」
佢竟然用佢兩隻手仔,屈開我隻手,根住拍隻手版落黎講:「Hi Five! Promise!」{:4_94:}
真係唔知激死定笑死......
師兄,模大咗你都係聽多D佢話,你咁愛佢佢點都對你好嘅 :'(:'(:'( 香港第一家庭----------搞笑家庭 我記得我當時是說你瞓我張床,咁我就去瞓你張床啦。於是我就好小心咁迫入去佢張宜家BB床.... 之後佢又唔制,要攞返自己張床.....
往事只能回味了。 edwardyung 發表於 2015-11-3 08:59
我記得我當時是說你瞓我張床,咁我就去瞓你張床啦。於是我就好小心咁迫入去佢張宜家BB床.... 之後佢又唔制 ...
激氣或好笑,好快只會變成回憶,好驚!
頁:
[1]